كتبَ / نورهان محمود
في انتخابات نقابة الممثلين اللي كانت يوم الجمعة اللي فاتت واللي وصفها الناس بالانتخابات التاريخية قدر الفنان " أشرف عبد الغفور " إنه يكسب لقب نقيب الممثلين بكل جدراة حيث إنه اخد 846 صوت، واشرف زكي اخد 333 صوت رغم إنه صرح قبل كده بإنه انسحب من الانتخابات، واخد أحمد ماهر 98 صوت وهشام بهاء اخد 8 أصوات.
من قبل ماتبدأ الانتخابات كان في زحمة شديدة من الاعضاء اللي جايين يشاركوا
فتحي عبد الوهاب كان من أوائل الناس اللي حضرت
وسماح أنور اللي قررت إنها تشارك رغم المشاكل اللي بتواجها من أيام الثورة
والفنان المنتصر بالله
نهال عنبر وابنها حسام وريهام عبد الغفور
عمرو عبد الجليل
محمد الحلو
عمرو واكد كان مشارك هناك وقعد ياخد امضاءات الممثلين عشان حملة المليون توقيع لعمل الدستور الأول قبل الانتخابات في مصر.
وبيشارك في الانتخابات
وقعد الممثلين يهتفوا " ارفع رأسك فوق أنتَ مصري "
" عبد الغفور ياعبد الغفور إحنا معاك هنشوف النور " 
" ثورة ثورة حتي النصر .. ثورة في كل نقابات مصر "
ريهام عبد الغفور وحملة تأييد لأبوها أشرف عبد الغفور
ريها مع أشرف عبد الغفور قبل اعلان النتيجة

وكانت " ريهام عبد الغفور " هي اللي ماسكة حملة الدعايا والانتخابات لأبوها " أشرف عبد الغفور " واللي كانت موجودة من أول الانتخابات لابسة تي شيرت عليه صورة ابوها.
أحمد ماهر مع أشرف عبد الغفور
وحصل وسط الانتخابات خناقات بين أحمد ماهر و مؤيديين أشرف زكي ورفع احمد ماهر الجزمة في وشهم اعتراضاً علي موقفهم وعلي النقيب السابق.

0 comments

إرسال تعليق

Roua Nazar Clips on Facebook