انباء عن طلاق الامير وليام و كيت بفضيحة

كتبَ / سمر العباسى

المواقع الاجنبية ملهاش سيرة النهاردة غير موضوع طلاق كيت ميدلتون "29 سنة" والامير وليام،واتردد ان بعد جواز استمر لمدة شهر تقريباً وبعد فرح اسطورى شافه 2 مليار شخص فى كل انحاء العالم طلع الامير وليام بتصريحات عجيبة وقال ادام مجموعة من الصحفيين اللى واقفين ادام قصر باكنغهام انه اخيراً طلق كيت ،والحقيقة ان مش دى الصدمة جنب الكلام اللى صرح بيه عن كيت وقال:"جوازى منها كان اكبر غلطة ،وعمرنا ما كنا صادقين مع بعض ،وعمرى ما حبيتها"وضاف:" الناس فاكره ان فرحنا كان عبارة عن قصة خيالية لكن بأكد لكم انه كان كارثة ، انا بجد مرتاح انى سبتها مش بس كده ده انا فرحان انى مش هشوف وش الست الفظيعة دى تانى". وبعد كده قال للصحفيين :"اشوفكوا بعدين" وابتسم و دخل القصر بمنتهى البساطة!!!!!
طبعاً الكلام ده وراه حكايات تانية كتير واحتمال يكون سبب الانفصال هو بيبا اخت كيت وصورها الفاضحة واحتمال برضوا يكون السبب هو قررررررررررررر  وحسد 2 مليار شخص شافوا الفرح وخصوصاً البنات بس عموماً "تعددت الاسباب والموت واحد" .
وفى الاخر الكلام ممكن يطلع مجرد اشاعة و ممكن يطلع حقيقى ومستنين رد قصر باكنغهام وجمهور  ofann.com هيكون اول العارفين بالرد .