سر وجود الوسيمي فى مكتب النائب العام

كتبَ / سمر العباسى

قرر الموسيقار منير الوسيمي نقيب الموسيقين انه يقدم بلاغ للنائب العام ضد حسن فكري المرشح علي مقعد النقيب لانه طلع اشاعات على الوسيمي بهدف التأثير علي شعبيته وسط الموسيقيين .

مع العلم ان الوسيمي رفض فى الفترة اللى فاتت انه يقدم شكوي ضد اي مرشح لكنه لجأ للقضاء لأنه بيرفض التجريح فيه او في اي مرشح تانى .

وقال الوسيمي :"متعودتش اجرح فى حد لكني كل يوم بواجه سيل من الاشاعات  اللى هدفها التشهير بيا "وضاف :"كل اللى عاوزة ثقة الاعضاء بشرف وامانه بعيد عن اي نقد او هجوم لان النقابه في الاخر خدمة عامة ومش ممكن نتصارع عليها بالتجريح ,والتشهير ,و المفروض نتنافس بشرف عشان يحترمنا كل المصريين خاصة اننا نقابة متميزة وليها وزن وتقل في المجتمع ومقبلش تحت اي ظرف لاي شخص يهين الموسيقيين ,وسواء فزت او لأ فانا هفضل في خدمة الموسيقين "