بالفيديو..شوف كليب نجوى كرم الجديد 3D

كتبَ / سمر العباسى

استعد والبس النضارة 3D وقعد ادام قناة روتانا عشان تتفرج على الكليب الجديد بتاع نجوى كرم "ما فى نوم"اللى هيتعرض النهاردة الساعة  7.30 بليل بتوقيت بيروت.بس لو مستعجل ولا يهمك تقدر تشوفوا معانا على ofann.com

من ناحية تانية هتحيى المطربة اللبنانية نجوى كرم البرايم الأخير من “ستار أكاديمى8″، وهيشاركها فى الحفلة المطرب التونسى صابر الرباعى، وهتغنى نجوى فى البرايم 3 أغنيات من ألبومها الجديد وهتشاركها الغنا السورية سارة فرح، اما الرباعى فهيقدم 3 أغانى مع المشترك المصرى أحمد عزت.
وبيتنافس فى البرايم الاخير 3 متسابقين أحمد عزت ونسمة محجوب من مصر، والسورية سارة فرح، وكان اتأهل فى البرايم قبل الأخير الطلاب التلاتة للمنافسة على لقب نجم “ستار أكاديمى” 8، بعد ما جيلبرت من لبنان وأميمة من تونس طلعوا من البرنامج فى البرايم اللى قبل الأخير اللى فاز فيه أحمد بـ أعلى نسبة من تصويت الجمهور.