غادة عبد الرازق هتعمل عمرة

كتبَ / سمر العباسى

قالت غادة عبد الرازق إنها هتروح تعمل عمرة رمضان السنة دى بعد ما تخلص تصوير كل مشاهدها في مسلسل “سمارة” اللى هيتعرض فى رمضان.
واعترفت غادة انها مقصرة في حق أسرتها وقالت: "حاسه انى مقصرة في حق بنتي “روتانا”؛ لأني كتير اوى بضطر اصور بعض الأعمال فى شهر رمضان ومش بكون معاها "، وأكدت غادة انها عاوزة تخلص كل مشاهدها في مسلسل “سمارة” قبل شهر رمضان ، عشان تقدر تكون موجودة غالبية الوقت مع بنتها “روتانا”، وتكون معاها وقت الفطار  والسحور.
 مع العلم ان غادة عبد الرازق خلصت لحد دلوقتى تصوير كل مشاهدها الداخلية وباقى لها 15 يوم، وهيبدأ المخرج محمد النقلي في عمل المونتاج الخاص بالمسلسل؛ عشان يكون على قايمة المسلسلات الجاهزة للعرض فى رمضان.