تامر حسني مبقاش تحت طوع محسن جابر؟

كتبَ / احمد السيد

في خلال  أيام تامر حسني هينزل ألبومه الجديد " اللي جاي أحلي " وده يعتبر أخر ألبوم ليه مع المنتج " محسن جابر " من خلال شركة " عالم الفن "، ورغم إن ده أخر ألبوم إلا إن محسن جابر مطلعش أي تصريح أو قال أي حاجة إنه ناوي يجدد لتامر، وفي كلام بيتقال بإن العلاقة مابينهم بقت باهتة رغم إن تامر بيعتبر هو نجم الشركة أو النجم الوحيد اللي مسمع مع الناس كلها، إلا بعد ما اتعاقد محسن مع تامر في 2009 بعد خلافات ومفاوضات مع نصر محروس مكتشف تامر ومنتج البوماته وكليباته، ووقتها طلع محسن جابر واتكلم عن تامر وسانده، بس دلوقتي الوضع اختلف معاهم، وتقريباً بعد الألبوم الجديد هيرجع تامر حسني لنصر محروس، وفي كلام تاني إن تامر هيروح لقناة " النهار " اللي عرضت عليه إنها تنتجله وبالفعل تامر وافق علي عرضهم بس لسه مااتفقوش لحد دلوقتي علي الشرط الجزائي.
تامر موقفه مش واضح ولا نصر محروس ولا محسن جابر، ولحد دلوقتي لسه الالبوم منزلش بس الواضح لحد دلوقتي إن محسن جابر مش مهتم ومش متحمس للألبوم.

أغنية عرفت تغير من ألبوم تامر الجديد